Ina , Ama upuson ku yokoyu baino om sogigisom

Mantad rinuol songulun o tondu ,
Haro koihadan om koimaian ,
Narangahan tihad do tanak ,
Nosusu id pomogunan .
Mantad nosusu gisom nosukod ,
Lisinu gumompi kasari ,
Mantad di gulu gisom sogigisom ,
Kosianan nu au olopusan .
Ina .... Ama ........
Kinogoho no sinding ku iti ,
Mulong kasasari oku popoihad yokoyu miampai iti sikap ku ,
Kasasari yokoyu hiti ginavo ku om sambayang ku .
Ipi-ipion ku kasasari kou daa bahagia .
Oi Ina , poingkuro oku nangku
mamalapus di koinsasanannu ,
Oi ama , lisinu om gompinu
Igitan ku gisom kapataion .
Upus ku yokoyu miagal waig id bawang au milo olopusan .
Yokoyu no id ginovo ku do sogigisom .